Chhor Aya

Jab uss ki zulf mein pehla safaid baal aya,
Tab uss ko pehli mulaqat ka khayal aya;

Phhir aaj uss ne bohat berukhi dikhayi mujhe,
Woh, goya, shehr se bahar mujhe nikaal aya;

Guzar sakay na kabhi tere hijr ke shab-o-roz,
Na din dhala, na kabhi raat ko zawaal aya;

Zara si der mein khali hui meri aankhein,
Main apne ashq tere raaste mein daal aya;

Woh jis ka zikr hum inti khushi se karte hain,
Wohi tou umr mein sabhi se udaas saal aya;

Bohat dinon se main zindon mein tha na murdon mein,
Ghazal hui tou mere dasht mein ghazaal aya.

-Shahzad Ahmed